ԶԱՐԿ կրթական հիմնադրամ

Մեր մասին

ԶԱՐԿ-ը կրթական ծրագիր է՝ 10–17 տարեկանների համար։
Ծրագրի առաքելությունն է կրթել հոգով և մարմնով ուժեղ սերունդ։

Առաքելություն

ԶԱՐԿ-ը դեռահասներին սովորեցնում է կողմնորոշվել արտակարգ իրավիճակներում, ինքնակազմակերպվել, որոշումներ կայացնել, պատասխանատվություն վերցնել կայացրած որոշումների համար։ Ծրագիրը նաև ի հայտ է բերում առաջնորդական հատկանիշներ սաների մոտ և սերմանում է թիմային գործելու մշակույթ։

Ծրագրի մասին

Ծրագրի շրջանակներում սաները կոփվում են ֆիզիկապես և հոգեպես, սովորում են կենսական հմտություններ, առողջ ապրելակերպ, ձևավորում են բնավորության ուժեղ գծեր, ուժեղանում են հոգով, մտքով և մարմնով։

ԶԱՐԿ կրթական ծրագիրն ունի որակավորման 4 աստիճան, որոնք սաները ստանում են՝ հանձնելով հստակ չափորոշիչներով մշակված տարեկան քննություններ։

Ծրագիրը ներառում է հետևյալ առարկայական դասընթացները․

Ինքնապաշտպանություն

Գոյատևում

Առաջին բուժօգնություն

Ազգային պար

Հայրենաճանաչություն և այլն։