Թաքնված Ճանապարհի Նախաձեռնություն

Մեր մասին

«Թաքնված Ճանապարհի Նախաձեռնություն» (Hidden Road Initiative, HRI) ուսանողներով կառավարվող բարեգործական ոչ առևտրային կազմակերպություն է, որի նպատակն է ապահովել կրթական և առաջնորդության հնարավորություններ Հայաստանի հեռավոր գյուղերի անապահով երեխաների համար։ Ստեղծված 2011 թվականին Կալիֆոռնիայի Սանտա Բարբարայի համալսարանի հայ ուսանողների կողմից՝ HRI-ն ընդլայնվել է՝ ունենալով բաժիններ UC San Diego, UC Los Angeles, UC Berkeley և AGBU MDS համալսարաններում։

Մեր առաքելությունը

«Թաքնված Ճանապարհի Նախաձեռնություն» (HRI) բարեգործական կազմակերպությունն աշխատում է Հայաստանի հեռավոր գյուղերում ապրող երեխաներին ապահովել կրթական և առաջնորդության հնարավորություններով՝ կազմակերպելով տարեկան կրթական ամառային ճամբարներ, տրամադրելով կրթաթոշակներ և իրականացնելով զարգացման ծրագրեր։

Մեր տեսլականը

Հզորացնել գյուղերը՝ ստեղծելով կրթության, առաջնորդության և աշխատանքի հնարավորություններ՝ դրանք ինքնաբավ դարձնելու նպատակով։ Բարելավել գյուղերի երեխաների սոցիալական հմտությունները։

Մեր ծրագրերը

Նոր սերունդ ենք ստեղծում՝

• Համալսարանային կրթաթոշակների շնորհիվ
• Երիտասարդների կազմակերպած կրթական ամառային ճամբարներով՝ միջազգային կամավորների մասնակցությամբ
• Գյուղերի երիտասարդներին սեփական ծրագրեր իրականացնելու համար ուսուցանելով

Աջակցում ենք տնտեսական աճին և սոցիալական հավասարությանը հեռավոր գյուղերում՝

• Վերանորոգելով դպրոցներ
• Ստեղծելով համակարգչային սենյակներ
• Կառուցելով մանկապարտեզներ