Street Ball Armenia

Մեր մասին

Street Ball Armenia-ն հիմնադրվել է 2023 թվականին պրոֆեսիոնալ ֆուտբոլիստ Դավիթ Մանոյանի կողմից։ Կազմակերպության հիմքում կա մի գաղափար՝ սպորտը և փողոցային մշակույթը կարող են միավորել մարդկանց, կենդանացնել հանրային տարածքները և նոր հնարավորություններ ստեղծել երիտասարդների համար։

Street Ball Armenia-ն իր ծրագրերն իրականացնում է Հայաստանի տարբեր մարզերում և մայրաքաղաք Երևանում՝ կազմակերպելով սպորտային և մշակութային միջոցառումներ, մրցաշարեր ու համայնքային նախաձեռնություններ։ Վերջին երեք տարիների ընթացքում մեր միջոցառումներին մասնակցել է ավելի քան 10,000 մարդ, իսկ լսարանի ընդհանուր ընդգրկումը գերազանցել է 150,000-ը։

Առաքելություն

Մեր առաքելությունն է զարգացնել փողոցային սպորտն ու քաղաքային մշակույթը Հայաստանում՝ դրանք հասանելի դարձնելով երեխաներին, երիտասարդներին, ընտանիքներին, մարզիկներին, արվեստագետներին և համայնքներին։

Մենք հավատում ենք, որ սպորտը երիտասարդներին տալիս է կարգապահություն, ինքնավստահություն, ընկերություն, նպատակ և անվտանգ միջավայր՝ աճելու համար։ Փողոցային մշակույթն էլ նրանց տալիս է սեփական ձայնը լսելի դարձնելու և ստեղծագործաբար արտահայտվելու հնարավորություն։

Տեսլական 

Մեր տեսլականն է ունենալ Հայաստան, որտեղ սպորտը, մշակույթն ու համայնքային կյանքը հասանելի են բոլորին՝ անկախ տարիքից, բնակության վայրից կամ հնարավորություններից։

Ծրագրեր

Մենք կազմակերպում ենք տարատեսակ միջոցառումներ, մրցույթներ և մրցաշարեր հետևյալ ուղղություններում՝ 3x3 Բասկետբոլ , փողոցային ֆուտբոլ 3v3 , Հիփ-հոփ և Բռեյքկինգ , Շախմատ ,Գրաֆիտի՝ նոր և երիտասարդներին հետաքրքրող այլ միջոցառումներ։

Նվիրատվությունների շնորհիվ մենք կարող ենք շարունակել մեր սոցիալական աշխատանքները որոնք այս տարիների ընթացքում կատարվել են մեր սեփական միջոցներով՝ տեղադրել բասկետբոլի օղակներ և ֆուտբոլային դարպասներ, զարգացնել համայնքային խաղադաշտերը, աջակցել փողոցային արվեստի ծրագրերին, խթանել առողջ ապրելակերպը, սպորտն ու հայ մարզիկներին, ինչպես նաև համայնքային նախաձեռնությունների միջոցով օգնել անտուն կենդանիներին՝ կերակրելով, բուժելով և նրանց համար սիրով լի ընտանիք գտնելով։