Մայրի Հկ

Մեր մասին

«Մայրի»-ն մշակութային կենտրոն է, որը նախատեսված է հատուկ կարիքներով երիտասարդների և երեխաների սոցիալական ինտեգրման համար: Կենտրոնում գործում են հետևյալ արհեստանոցները՝ փայտամշակման, խեցեգործության, նկարչության, կարի, խոհանոցային աշխատանքի, մոմի պատրաստման: Հետագայում կգործի նաև գորգագործության արհեստանոցը: Բացի այդ, հարկ եղած դեպքում իրականացվում է նաև թերապևտիկ աշխատանք, ինչպես նաև երաժշտության (երգ/երաժշտական գործիքների ուսուցում), պարի, թատրոնի և այլ դասընթացներ:

MAYRI-ն ներառական հաստատություն է, որը բաց է բոլոր երեխաների համար: Մենք նախաձեռնում ենք բաց մշակութային նախագծեր, որոնք տարբեր մասնագետների հնարավորություն են տալիս իրացնել իրենց ներուժը՝ աշխատելով խնդիրներ ունեցող և չունեցող անձանց հետ:

Առաքելություն

Ստեղծել այնպիսի պայմաններ, որոնցում յուրաքանչյուր հատուկ կարիք ունեցող անձ կկարողանա արտահայտել իր անհատականությունը՝ հաղթահարելով զարգացման խոչընդոտները:

Նպատակներ և արժեքներ

Մեր բոլոր գործողություններն ուղղված են ինտեգրատիվ կրթության կարևորության մասին հանրային իրազեկվածության բարձրացմանը: Մենք հավատում ենք, որ յուրաքանչյուր անհատ արժանի է հարգանքի և ճանաչման:

Մեր նախագծերը.

Ներառական կրթություն. արդյունավետ մեթոդների և մոտեցումների մշակում և ներդրում։

Բուժական մանկավարժություն. անհատական դասընթացներ և զարգացման ծրագրեր դպրոցական ուսումնական գործընթացում չինտեգրված երեխաների հետ:
Սոցիալ-ինտեգրման կենտրոն. հատուկ կարիքներ ունեցող երիտասարդներին տրամադրել մասնագիտական հմտություններ՝ հասարակության մեջ իրենց տեղը գտնելու համար:

Մասնագիտական կրթություն և վերապատրաստում բուժական մանկավարժների հետ. մեր անձնակազմի մասնագիտական մակարդակի շարունակական բարելավում։

Աշխատանք ծնողների հետ. ակտիվ փոխազդեցություն և համագործակցություն ծնողների հետ: