Կենարար Հիմնադրամ

Մեր մասին

Կենարար հիմնադրամը ստեղծվել է 2024 թվականին Մարթա Խոսրովյանի կողմից՝ համոզմամբ, որ յուրաքանչյուր երեխա, անկախ բնակության վայրից, պետք է հնարավորություն ունենա կրթվելու, զարգանալու և իր ապագան կերտելու սեփական 
համայնքում։ Գաղափարը դեռևս ձևավորվել է 2020 թվականի պատերազմի դժվար օրերին, երբ կար հստակ գիտակցում, որ հայրենիքի անվտանգությունն ու ամրությունը սկսվում Է կրթված, մտածող և նպատակասլաց սերնդից։

Այս գաղափարի հիման վրա էլ հիմնադրամը նպատակ ունի աջակցել Հայաստանի գյուղաբնակ երեխաներին ու երիտասարդներին՝ լուծելով կրթական, մշակութային և սոցիալական այն հիմնախնդիրները, որոնք խոչընդոտում են նրանց աճին և համայնքում մնալու ցանկությանը։ 

Մեր Առաքելությունը 

Կենարար հիմնադրամի առաքելությունն է՝ աջակցել Հայաստանի գյուղաբնակ երեխաների կրթական առաջընթացին, ձևավորել առողջ, ինքնուրույն մտածող ու համայնքի զարգացմանը նվիրված սերունդ, բացահայտել և զարգացնել պատանիների ու երիտասարդների ներուժը՝ կրթության, մշակույթի, մասնագիտության և արժեքային դաստիարակության միջոցով։ 

Մեր նպատակ է, գյուղաբնակ երեխաների համար  ստեղծել այնպիսի հնարավորությունների  հարթակ, որ գյուղում ապրելը պատճատառ չդառնա զրկված լինելու այն հնարավորություններից, որոնք նրանց պետք են կրթության և 
զարգացման համար, այլ հակառակը՝ գյուղում ապրելը լինի առավելություն արարելու, ստեղծագործելու, վեր հանելու սեփական հնարավորությունները և փոփոխություն բերելու իրենց միջավայրում։ 

Կենարարն առաջնորդվում է այն գաղափարով, որ համայնքը կարող է աճել ու հզորանալ միայն, երբ երեխաներն իրենց ապագան տեսնում են հենց այդ համայնքում։ 

Մեր Տեսլականը 

Կենարար հիմնադրամը պատկերացնում է մի Հայաստան, որտեղ յուրաքանչյուր 
երեխա, անկախ բնակության վայրից, ունի լիարժեք կրթվելու, զարգանալու և 
համայնքում իր տեղն ու դերը գտնելու հնարավորություն։