Կարիտաս Արեգակ հիմնադրամ

Մեր մասին

2000-ականների սկզբին Գյումրիում մի խումբ մասնագետներ նկատեցին այն խնդիրները, որոնց բախվում էին զարգացման առանձնահատկություններ ունեցող երեխաներն ու նրանց ընտանիքները։ Հասարակությունից մեկուսացված, նրանք հաճախ փակված էին տանը՝ չունենալով մասնագիտական աջակցություն և անհրաժեշտ խնամք ստանալու հնարավորություն։

Հենց այս իրավիճակը փոխելու նպատակով ծնվեց Արեգակի գաղափարը՝ ստեղծել կենտրոն։ Այսօր մեր կենտրոնը, որն օժտված է ժամանակակից սարքավորումներով և հարմարություններով, տարեկան ընդունում է ավելի քան 150 երեխայի՝ 0-18 տարեկան և 18 տարեկանից բարձր 50 երիտասարդի և նրանց ընտանիքների՝ շարունակելով իր առաքելությունը՝ ստեղծել հավասար հնարավորություններ բոլորի համար։

Մեր առաքելությունը 

Մեր առաքելությունը հաշմանդամություն և զարգացման առանձնահատկություն ունեցող անձանց հզորացումն է՝ ստեղծելով հնարավորություններ աճի, զարգացման և հասարակության մեջ լիարժեք ներգրավման համար։ Մեր ներառական ծրագրերի, կայուն գործելակերպի և հոգատար վերաբերմունքի միջոցով մենք ձգտում ենք կերտել այնպիսի ապագա, որտեղ յուրաքանչյուր ոք, անկախ իր կարողություններից, կարող է իրացնել իր ողջ ներուժը և նպաստել աշխարհն ավելի լավը դարձնելուն։

Մեր նախագծերը 

Մեր գործունեությունը չի սահմանափակվում միայն կենտրոնի ներսում։ Մենք ակտիվորեն համագործակցում ենք տարբեր կառույցների և անհատների հետ՝ ստեղծելով այնպիսի միջավայր, որտեղ հաշմանդամություն ունեցող անձինք կարող են լիարժեք զարգանալ և իրացնել իրենց ներուժը։ Մենք նաև արագ արձագանքում ենք համայնքի կարիքներին. օրինակ՝ վերականգնողական ծառայություններ ենք մատուցում պատերազմի մասնակիցներին։