Ամերիկայի Հայ Ավետարանչական ընկերակցություն (AMAA)

Մեր մասին 

Ամերիկայի Հայ Ավետարանչական ընկերակցությունը (AMAA) ստեղծվեց Հայ Ավետարանական եկեղեցիների կողմից 1918 թ. հունիսի 7-ին, ԱՄՆ Մասաչուսեթս նահանգի Ուստր քաղաքում:  1988թ. երկրաշարժից անմիջապես հետո, ինչպես ամբողջ աշխարհը, AMAA-ն նույնպես կատարեց անհրաժեշտը՝ երկրաշարժից տուժած հայ ժողովրդի ցավը մեղմելու համար, ցուցաբերեց օգնություն՝ սննդի, հագուստի, դեղորայքի, բժշկական սարքավորումների տեսքով:  1991թ. Հայաստանի անկախացումից եւ AMAA-ի Հայաստանի մասնաճյուղի պաշտոնական գրանցում ստանալուց հետո Երեւանում բացվեց ընկերակցության կենտրոնական գրասենյակը:

AMAA-ն աջակցում է հայ ժողովրդի հոգևոր և նյութական կարիքների բավարարմանը, ոգեշնչում և ծառայում նրան:

AMAA-ի Հայաստանի մասնաճյուղը համոզված է, որ ժողովրդի բարոյական և հոգևոր ամուր հիմքերը կարևոր են արդար հասարակության ձևավորման համար:

Մեր առաքելությունը

Մեր առաքելությունն է նպաստել Հայաստանի ժողովրդի բարեկեցությանը. օգնել ժողովրդի կյանքի բարելավմանը` կարիքավորներին տրամադրելով ֆինանսական, բժշկական օգնություն, կրթական, մշակութային ծառայություններ, նաև աջակցություն աշխատանք չունեցողներին:

Մեր նախագծերը 

Որպես քրիստոնեական կազմակերպություն՝ AMAA-ն անշահախնդրորեն ծառայում է մարդկանց, հատկապես՝ անապահով ընտանիքներին:

Մեր ազդեցության ոլորտներն են՝

• Կրթություն 
• Առողջապահություն 
• Տնտեսություն 
• Սոցիալական ապահովություն 
• Հոգևոր-մշակութային կապ